Անընդհատ մրսո՞ւմ եք. դա էլ իր պատճառն ունի. news.am

Ոչ-ոք ապահովագրված չէ մինչեւ ոսկորները մրսածություն զգալուց, հատկապես, երբ խոսքը ձմեռային ամիսներին է վերաբերում: Բայց ի՞նչ անել, եթե տաքանալու միջոց չի գտնվում: Եվ վերջապես, մի՞թե հավերժ մրսածությունն էլ բժշկական պատճառներն ունի:

FoxNews Health-ի խմբագրությունը հետեւյալ էլեկտրոնային նամակն է ստացել՝ ընթերցողից.  «Միշտ մրսում եմ: Վահանաձեւ գեղձի հետազոտությունից հետո պարզվեց, որ ամեն ինչ նորմալ է: Ի՞նչ այլ պատճառ կարող է դրան լինել եւ ո՞ր հետազոտության միջոցով կարող եմ մշտապես սառը ձեռքերիս ախտորոշումը գտնել»: 

Վահանաձեւ գեղձն, իրոք, կարող է մշտական մրսածությանը նպաստել, սակայն երեւույթն այլ պատճառներ եւս ունի.

*  Խիստ սահմանափակ սննդառությունը.  քիչ սնվելիս օրգանիզմը պահպանում է էներգիան եւ ցածր քանակությամբ ջերմություն արտազատում:

*  Անբավարար քունը. կարող է օրգանիզմի ակտիվության նվազեցման հանգեցնել:

*  Սակավարյունությունը:

*  Հորմոնալ անհավասարակշռությունը. կանանց մոտ էսթրոգենի տատանվող մակարդակը բարձրացնում է ցրտի նկատմամբ զգայունությունը:

*  Ռայնաուդի հիվանդությունը. մաշկին արյուն մատակարարող անոթները սեղմվում են, ինչը հանգեցնում է արյան պակաս մատակարարման:

*  Մարմնի ցածր քաշ. խոսքը թե; մկանային, եւ թե; ճարպային զանգվածին է վերաբերում: Մկանների աշխատանքը ջերմության արտազատման է հանգեցնում, իսկ ճարպերն ապահովում են ջերմամեկուսացումը: 

Եթե անդադար մրսում եք, հարկ է դիմել բժշկի խորհրդակցության:

Հարցեր, պատասխաններ, մեկնաբանություններ